៥វិធី កម្ចាត់មុនក្បាលខ្មៅនិងធ្វើឲ្យមុខស

សូមកុំគិតថា មុនក្បាលខ្មៅជាមុនដែលធម្មតាឲ្យសោះ វាជាមុខអាវុធដ៏សាហាវដែល
អ្នកនឹកស្មានមិនដល់ប្រសិនបើអ្នកមិនរកវិធីទប់ទល់នឹងវានោះទេ។ មុនក្បាលខ្មៅនោះនឹងបង្កទៅជាអាចម៍រុយដែលដែលធ្វើឲ្យនារីទាំងឡាយបាត់បង់សម្រស់ និងភាពជឿជាក់ពេលចេញទៅក្រៅ ដូច្នេះគួរធ្វើបែបណាដើម្បីកម្ចាត់មុនក្បាលខ្មៅទាំងនោះ? សូមឈ្វេងយល់វិធីទប់ទល់ដូចខាងក្រោម:

១. មិនត្រូវញេចមុនដោយផ្ទាល់ដៃ
ការញេចមុនដោយផ្ទាល់ដៃក្រៅពីធ្វើឲ្យឆ្លងមេរោគនៅនឹងដៃហើយ វាក៏ធ្វើឲ្យមានស្លាកស្នាមធំនៅលើផ្ទៃមុខទៀតផង។ ប្រើច្រាសដុសធ្មេញដើម្បីកម្ចាត់មុននៅក្នុងពេលលប់មុខអ្នកអាចយកច្រាសដុសធ្មេញ ដែលមានសរសៃទន់មកដុសលើកន្លែងដែលមានមុនក្បាលខ្មៅជាពិសេសត្រង់ច្រមុះ។
២. ការបន្ថយការតុបតែងមុខ
ការប្រើម្សៅច្រើនពេកក៏ជាមូកហេតុនាំឲ្យរន្ធរោមត្រូវស្ទះ ហើយវានឹងបង្កឲ្យមានមុនក្បាលខ្មៅ។ ដូច្នេះអ្នកមិនគួរតែងមុខជារៀងរាល់នៅពេលលាបម្សៅមិនគួរបំពោកឲ្យក្រាស់ពេកទេ។ មុនពេលចូលគេងត្រូវតែលុបមុខឲ្យបានស្អាតកុំឲ្យមានជាតិខ្លាញ់ម្សៅឬធូលីជាប់នៅលើមុខ។ ក្រៅពីនេះដើម្បីទប់ស្កាត់មុនក្បាលខ្មៅអ្នកមិនត្រូវប្រើក្រែមដែលមានជាតិខ្លាញ់នោះឡើយ។
៣.  បំប៉នជាតិសំណើមនៅលើស្បែក
ការបំប៉នស្បែកដោយជាតិសំណើម គឺមានសារសំខាន់សម្រាប់កម្ចាត់មុនក្បាលខ្មៅ
ប្រសិនបើអ្នកប្រើវាជារៀងរាល់ថ្ងៃ នៅពេលយប់មុនចូលគេង។
 ចូរយកកន្សែងសើមស្អាតមកក្របលើផ្ទៃមុខរយះពេល១៥នាទីជាតិកង្វក់នឹងចេញ
ពីមុខអ្នកហើយមុខត្រជាក់និងមានសំណើម។
៤. ម៉ាស្សធម្មជាតិបំបាត់មុនក្បាលខ្មៅ
អ្នកអាចបង្កើម៉ាស្សធម្មជាតិដោយខ្លួនអ្នកដោយមានវិធីពីរយ៉ាងដូចតទៅ : ម្សៅ Cinnamonc ទឹកក្រូចឆ្មារ ឬម្សៅល្មៀត ស្លឹកជីរវ៉ាន់ស៊ុយ
ថ្វីបើសាមញ្ញតែមានប្រសិទ្ធភាព។

៥. ឆ្ពុងចំហាយទឹកក្តៅ
ការឆ្ពុងចំហាយទឹកក្តៅមិនត្រឹមតែជួយដល់សម្រស់បង្កើនភាពតឹងរបស់ស្បែកនោះទេ តែវាក៏អាចជួយសម្អាតមុខរយះពេល១៥នាទី ជាតិកង្វក់នឹងមិនអាចប្រមូលផ្តុំនៅក្នុងរន្ធរោម ដើម្បីបង្កើនជាមុនក្បាលខ្មៅបាននោះទេ។